TOLIVIA

Tolivia tien una estensión de 16,86 km², alcuentrase a 420 metros d´altitú y dista de La Pola Llaviana 8,6 km. La parroquia de San Antón Abad, separtada de la de Villoria en 1866, situase al suroeste del conceyu, los sos pueblos ocupen les empinaes laderes, los valles formaos polos ríos Molinera y Les Campes y tan coronaos pola esplendorosa montaña de Peña Mea (1.560 m). Tien 256 habitantes repartíos nes poblaciones y aldeas de La Bárgana, La Brañivieya, La Cuesta los Valles, Fresneo, El Navaliegu, Les Palombes, Tolivia, La Cuesta, L´Artaúsu, Llanulatabla, Valsemana, La Braña, Les Campes, El Campu la Cuesta, El Cantu, La Casona, Collagrande, La Cuesta Baxo, La Cuesta Riba, Llanulaviesca, Les Meloneres, El Molín, Prayín, Les Tercies y Valdelafaya.

Ocupa una zona empinada de la marxen izquierda del ríu La Molinera, por encima la carretera comarcal AS-252 (La Chalana-Cabanaquinta). Les sos cases alcuentranse agrupaes y escalonaes dende los 420 a los 680 m d´altitú.

Magar qu´haber perdío munchos hórros, aún conserva dalgunos interesantes, pero ensin dubialo, les talles del hórru´l francés, hoy nel Muséu del Pueblu d'Asturies de Xixón, constituyen lo más destacable del conxuntu.