VILLORIA

Villoria ta situada na zona meridional del conceyu. Finxa pol norte cola parroquia d´Entrialgo, al sur con Tolivia y el conceyu d´Aller, al este con Llorío, al oeste con Mieres y al noroeste con Samartín del Rei Aurelio. Tien una estensión de 30,90 km², dista de Llaviana 4,20 km y tien una población de 1149 habitantes repartíos ente les poblaciones y caseríos d´Arbín, Les Bories, Braña Riba, Bustiello, El Cabu, Campumayáu, El Cerezaliru, La Caúcia, Corián, La Correoria, El Corazal, El Fabariegu, Febreru, Fechaladrona, Los Fornos, Grandiella, Grandón, El Meruxal, Les Mestres, Migalpiri, La Paraína, Piedresnegres, La Pumará, Les Quintanes, La Reondina, Reondo, El Rosil, San Pedro, Solano Baxo, Tablazo, El Tendiyón, Los Tornos, Valdelafaya, Viscozá, Villoria, Braña Baxo, Solano Cima, La Llosagra, El Llosón, La Barrosa, La Boza, Brañifraes, El Bravial, La Casa la Peña, Faiseques, Fonfría, Piedrafita, Sograndiella, Tarrucio, Troncos, Vallicastañal y Los Veneros; a los que fae referencia la siguiente estrofa d´una canción popular:

El pueblu de Villoria ocupa, a 340 m d´altitú, una zona llana conformada pol ríu La Molinera y la desembocadura, pola drecha, del so afluente, el ríu Tilla.
La parroquia de Villoria foi fasta 1826 coto y xurisdicción perteneciente a D. Rodrigo Álvarez de les Asturies, que, en 1325, donólo al so afiáu Gutierrez Bernardo de Quirós pasando a la casa de Quirós; Felipe IV en 1661, concedió-y los títulos de Marqués de Camposagráu, Vizconde de les Quintanes y Señor de Ríu Montán).